كثير من الشباب بيسأل نفسه: "هو أنا ليه مش بعرف أركز وبنسي بسرعة, ليه بتوتر في مواقف معينة وببقي عامل زي العيال الصغيرة, ليه أنا حاسس بتشتت طول الوقت ومش قادر أثبت علي مهنة معينة أو تخصص محدد, كل ساعه بدماغ مختلفة, وليه بحس بإنعدام الطاقة والطموح؟"

والإجابة للأسف؛ إدمان الإباحية!

الإباحية بدأت تنتشر علي مجال واسع في ٢٠٠٧م وللأسف بالذات الشباب اللي كبروا والإباحية منتشرة بيشوفوا إنها حاجة عادية مفيش منها أي ضرر.

ولكن الحقيقة إنت مش مدرك حجم الضرر اللي اتسببت فيه الإباحية لكل جانب من جوانب حياتك, أنا مش جاي أكلمك عن الأضرار الجسدية زي سرعة القذف أو ضعف الإنتصاب, بس بكلمك عن ملايين الأضرار النفسية اللي بتؤثر علي كل تفصيلة في حياتك.

لو كملت إنت عارف هتوصل لإيه, هتكون إنسان فاشل وتافه ملكش وزن في الحياة, محدش بيحترمك ولا إنت شخصياً بتحترم نفسك, بس لو امتنعت وخليت التعافي هدفك حياتك كلها هتتغير للأحسن, وهتكتشف إنك كنت مدفون بالحياة وإنت مش واخد بالك.

إنت تستاهل حياة أحسن من اللي إنت عايشها في وجود الإباحية, وحياتك وإنت متعافي بإذن الله أفضل مليون مرة!