إدمان الإباحية منتشر بين الشباب أكثر من قدرتك علي التخيل, وأنا متأكد إن لو عندك خمس صحاب ف علي الأقل 2 منهم بيعانوا من إدمان الإباحية

وارد إن حد من صحابك في يوم لو قدر يستجمع شجاعته وجرأته يعترف لك إن عنده مشكلة مع إدمان الإباحية, وساعتها إنت بإذن الله لو اتصرفت صح هتكون معين ليه ومساعد علي التعافي بإذن الله

والسؤال اللي هتسأله هو إزاي أقدر أساعده وأنا معنديش معرفة كافية؟

والحقيقة إنك مش محتاج تكون خبير ومتخصص عشان تقدر تساعده, لأن في الحقيقة أغلي شئ تقدر تقدمه لصاحبك في موقف زي ده هو إنك تسمعه بإنصات, لأن مجرد إعترافه لنفسه وليك بمشكلته بيساعده

وصدقني كل واحد من جواه عارف ايه الحل لمشكلته, إنت بس محتاج تفكره إزاي إن حياته هتتدمر أكثر لو استمر, وإن حياته هتتغير 180 درجة للأحسن لو قدر يمتنع ويتعافي بإذن الله

وإزاي إن هو لو خلي ده هدفه الأول والأكبر هيقدر يتغلب علي إدمانه وينتصر عليه