إزاي يكون الحلم فعلاً أول الطريق
الحلم مش مجرد شوية أوهام في دماغك,الحلم ده أهم حاجه في حياتنا,لأن هو اللي بيدلها قيمة,الإنسان من غير أحلام حياته ملهاش معني ولا قيمة,وعشان كده الحلم مينفعش يكون في دماغك بس.
الحلم لو مكتوب علي ورقة بتاريخ لتحقيقه بيبقي هدف,والهدف اللي بيتقسم لخطوات بيبقي خطة,والخطة اللي بيتبعها فعل بتبقي بكل تأكيد,حقيقة.
عشان كده إوعي تستهون بقوة أحلامك,ومهم جداً إنك تكتبها وفي كل الإحصائيات لقوا إن فعلاً الناس اللي بتكتب أحلامها هي اللي بتحققها,لأن الحلم مش عبارة عن مشهد في خيالك,الموضوع أكبر من كده بكتير.
والطريقة اللي بتكتب بيها أحلامك وأهدافك بتفرق كتير,حاول دايماً تكون واقعي,وده مش معناه أبداً غنك تنزل سقف طموحاتك,لأن فيه ناس بتخلط بين الواقعية والتشاؤم,بس معناه إنك تمشي بمنهجية,وتكون مرتب الخطوات اللي هتعملها عشان توصل لأحلامك.
مفيش حاجه قيمة أكتر من الأحلام,عشان كده اوعي تتخلي عنها,حافظ دايماً عليها واكتبها وخططلها كويس واتبع القول بالفعل,عشان توصل لكل اللي بتتمناه :)
وأسأل الله التوفيق لكم ولي في الدنيا والآخرة.
صديقي أنا واثق فيك اوعي تخذلني وتتخلي عن أحلامك,أبداً :)
#مقالات بالعامية المصرية
Ads go here
Comments